Troubas Kater - Latvia lyrics

[Verse 1: QC] I ha Zyt für au di Problem und aui wo denn uf Gott zeut hei I ha Zyt für au di Haubstarche, Gfüeu wo mache das i nur haub Schlafe Gross ihgrahmt, chly entdüscht, wirde gross über das chönne rede mit de Lüüt Hoffe das Rouchzeiche dört wo so wyt härtönt dr Friden ahkündet Es schmöckt nach Liebi und früscher Luune, nach Waud u ne Tisch mit Blueme Nach Höi vo der Sunne tröchnet, nach gumpende Töchter, fröhlechs Glächter Nach wiude Beeri und däm glasklare Bächli ir Wise voll Dischtublueme Nach füechter Ärden und glücklech wärde Nach wyte Reisen und trochne Steine Nachemne Widerseh, dört am See Mit dere Sehnsucht, won i so vermisst ha Setz di a Tisch da, Latvia [Chorus: QC] Oh, es wird Räge ha Es macht mi sowieso kabu*t Zeig mir dr Mond, singt dir es Lied, lig dir i Schoss und flüge furt Oh, Latvia Ds höche Gras schlaht Wälle nur für di Und bringt mi hei zur Truurwide, mia patria Oh Oh Oh Oh [Verse 2: QC] Mir stärbe für dini Schönheit u für dini schön gfärbte Farben am Hang Mir stärbe für d Luft u d Ärde, für d Versuechig und di wunderschönen Ouge Wo süsch scho nüt angers wären aus e blaue Kreis ufere wysse Chugle Das Gfüeu we du mi berüehrsch und i di, dä chaut Bach zwüsch de Zäie Und uf der Huut und oh zwüsch de Lippe Der Früehlig breitet si Mantu us U mis Härz cha heile I ha Zyt für di, u nes Schwärt derbi Dasi der Schmärz cha teile und ar Ärde gäh was si vo mir verlangt, i ha Zyt für di Di Nacht wär haub so gwaltig Ohni Frage, Latvia [Chorus: QC] Oh, es wird Räge ha Es macht mi sowieso kabu*t Zeig mir dr Mond, singt dir es Lied, lig dir i Schoss und flüge furt Oh, Latvia Ds höche Gras schlaht Wälle nur für di Und bringt mi hei zur Truurwide, mia patria Oh, es wird Räge ha Es macht mi sowieso kabu*t Zeig mir dr Mond, singt dir es Lied, lig dir i Schoss und flüge furt Oh, Latvia Ds höche Gras schlaht Wälle nur für di Und bringt mi hei zur Truurwide, mia patria Oh Oh Oh Oh [Chorus: QC] Oh, es wird Räge ha Es macht mi sowieso kabu*t Zeig mir dr Mond, singt dir es Lied, lig dir i Schoss und flüge furt Oh, Latvia Ds höche Gras schlaht Wälle nur für di Und bringt mi hei zur Truurwide, mia patria Oh, es wird Räge ha Es macht mi sowieso kabu*t Zeig mir dr Mond, singt dir es Lied, lig dir i Schoss und flüge furt Oh, Latvia Ds höche Gras schlaht Wälle nur für di Und bringt mi hei zur Truurwide Mia patria Oh Oh Oh Oh Oh