LYRICS.AZ APPLICATION

Download from Apple Store
Download from Google Play

Tri Bleiz Die - Ar Gêr a Is lyrics

Petra 'zo nevez e Kêr Is?
Ma 'z eo ken foll ar yaouankiz!
Ma klevan-me ar binioù,
Ar vombard hag an telennoù

Bodennoù drez 'zo diwanet
War dor an ilizoù prennet.
E Kêr Is n'eus nemet traoù kozh
Met an ebatoù-mañ 'vez bemnoz

D'o c'hwezek vloaz an holl verc'hed
N'o deus Doue 'met ar pec'hed
Ha da c'hober e gurunnen
E roont o c'haerañ rozenn

Ahes merc'h ar Roue Gralon
Tan an Ifern en he c'halon
Er penn kentañ deus an diroll
A gas d'he heul ar gêr da goll

Ha skuizh gant rebechoù he zad
Evit mont deus e zaoulagad,
He deus graet gant drouksperedoù
Ur palez kaer tost d'ar skluzioù

"Plijadur deoc'h er palez-mañ
Merc'hed jentil ha paotred skañv,
Plijadur deoc'h ha nozvezh gren "
Eme ar Priñs en ur antren
[Lyrics from: https:/lyrics.az/tri-bleiz-die/dalchomp-mat/ar-ger-a-is.html]

Ar Priñs a zouge dilhad ruz
E varv a oa hir ha du
E holl izili a virve
Hag e zaoulagad a zeve

Ha warne gant an holl en noazh
En ur ganañ: "mallozh d'ar groaz! "
Reas en seizh stumm disheñvel
Dañsoù ar seizh pec'hed marvel

"Ma dousig koant, merc'h da c'hGralon
Ha muiañ-karet va c'halon,
Ha n'hellfen ket en enep giz
Gwelout alc'houez skluzioù Kêr Is? "

Piv a deu du-hont gant ar ru
Pignet war un inkane du?
Hag eñ d'an daoulamm war e gein
Ken a strink an tan deus ar vein?

"Gralon, Gralon, sav hepdale!
Sav evit heuliañ Gwenole,
Sav evit tec'hel deus ar mor,
Skluzioù Kêr Is a zo digor"

Bremañ aet eo Mari-Morgan
Ahes, diouzh sked al loar, a gan
A gan hag en ur vousc'hoarzhin
A grib er mor he blev bezhin.

Correct these Lyrics