Paulin Nuotclà - Roma lyrics

Las vias sun vödas, sco chi sun minchatant Tü daudast be ils pa** d'ün ultim viandant Chi fa stortas tras palperis ed autra rüzia schmaladind S-chaclas veglias e tombins cun urs da gomma Piglia'm pel bratsch e tegna'm in pè Eu n'ha pers l'ultima s-chüsa, voust cumprar meis tscharvè? Chanta'm sü scha tü hast dalet o chanta'm jò, ma Nu'm dumandar che ch'eu fetsch qui'a Roma Aintasom Piazza Sonnino stan intuorn ün pêr umans Tschüttan vöd aint per la not, as jovaintan cun duos chans Fan dispitta per trais liras e stendan our ils mans Vers minchün chi'd es plü bain sco ês in chomma Tira't pels chavês, pigl'ün fazöl e fa jò il nas Bütta büttels aint il Tiber, sigl'aint eir tü, eu nu fetsch cas Fa e di quai cha tü voust e poust ed insomma: Nu'm dumandar che ch'eu fetsch qui'a Roma Benedi chi chi'd es mütschi vers il pajais dals tschincuns Eu sun qui'e n'ha l'onur da dar santur ad ün blagunz Chi'm tegna suot il nas ün tschert urdegn chi tira tuns: Caot corruot cun cour ruot e teista lomma Spargna teis plom, dvaint'agent pro'ls langeghers Cunfessa teis puchats, fa carriera: Join the feghers! Implastra't da josom fin süsomma Ma nu'm dumandar che ch'eu fetsch qui'a Roma Monumaints fan boccas tortas per turists fotografadurs Ils pasters da las ormas s'fan pissers pels malfatturs Comissaris tscherchan mors e fan üerlar lur moturs Ils utschês chantan corals aint illa romma Romulus e Remus tettan ajer our da l'üver D'üna chogna chi'd es qua bel ed aposta per quel adöver Tetta meglder scha tü est bun, eu at di lura co, ma Nu'm dumandar che ch'eu fetsch qui'a Roma Per finir vain amo'na charta da port'aint cul postin Eu driv e leg ch'in patria sian gnüts al tapin Da pulir e glüschantar il marchapè cun Sigulin E chi noudan aint illa gromma Dà'm ün auto cun schofför, dà'm'na villa da set plans 'na princessa sco lavunza, nomna'm Cäsar, dà'm ün cranz Serva'm davant e davo, ma Nu'm dumandar che ch'eu spet qui'a Roma Serva'm davant e davo, ma Nu'm dumandar sün che ch'eu spet qui'a Roma