Dey Med MBS - Dzayer Chouf el Vide / دزاير شوف الفيد lyrics

[المقطع الأول : اسماعيل خلوي] حبيت تفهم كلامي ما كلاه تروح بعيد اقعد قدّامي سامي ، نحكيلك انا ما نسيت ماشي دمّك ودمّي ، فبن طلحة لي كان يفيض اليوم شفنا مداني بعلامي انايا عييت نشفو ويدان البترول والدولار عندهم يزيد هاكو أعبدو روحاني ما كلام حاكم جديد هوما حطوه بلعاني شدّو يدة للسعيد ناضت بين الفوقاني تنوفيق وهادا صنديد عالزيت la chaine شاعلة بين لي تحتاني سكّر و أنا نيفي لي داني مانيش انا لي حبّيت بلادي عايش برّاني واش نمد انا ما ديت ياك السريقة عيناني القاضي قال انا تعميت كي نكتب صاحي بالاك الستيلول لي راه مزطول نعرف صلاحي ، واحد ما يقولي واش نقول الستيلو سلاحي نحكي عالتاريخ لي راو مدغول يطلق سراحي ، يتحل الباب لي راه مقفول [اللازمة : سفيان حامة](x2) الجزاير جاية على شط لبحر وتشوف الفيد شعبها صابر كي الضحية دهشان يوم العيد الناس لي فوقها زاهية والغافل يشوف من لبعيد آآآه يا الزوالي ارفد يديك للسماء ربّي لي يفيد [المقطع الثاني: سفيان حامة] عقلية كانجا ، كل عام بخرجة سيستام بيريمي مطبقين سياسة خامجة بلاد معوجة ، جوناس مرهوجة ريح غربي راي غير تدّي فيهم الموجة الحكومة حاكمة علينا بزوج حجر و باييص مغلوق علينا الدومين من بكري خاليص FIS لا Vote لا RND لا FLN ما صدق لا قاع يخدموا مع الشيطان يغيبوها لابليس واقفين فالبارة جوج حقّارة تبعت فالغاشي زكارة كلّش صفّارة على قوارة يبّعتوك بوهدمة زيارة عليهم مارا les repris اضرب دارة للحارة تشوف وفالوزارة القانون تجارو للجارة سمسارة ابدا تطرّف راني جاي لعشية نقضي راك تعرف تخلص اومبعد ماركي فالكايي عاشي كريدي هكذا يمشي السيستام في بلادي يبريدي والقاضي يرشي الكاشي يدّيهم عادي [اللازمة : سفيان حامة](x2) الجزاير جاية على شط لبحر وتشوف الفيد شعبها صابر كي الضحية دهشان يوم العيد الناس لي فوقها زاهية والغافل يشوف من لبعيد آآآه يا الزوالي ارفد يديك للسماء ربّي لي يفيد [المقطع الثالث : الداي ماد] مالزريعة لقديمة ، خرجت كمية جديدة هاك ذوق دادي ، عمّر راسك واستخلوى واش يديرو بيك عندهم التيكي ، عندهم الشناوة والشعب في قاع الكاس كيما التروة نحّاولنا الثقة فالنفس كيفاش حبّيت دير الثقة فالناس حنا ولّى فينا غير النفس نهار كامل شايدين لحيوط نعسو فالناس كي ما تلحقش لحقك لازم تعرّش هنا المسؤول يطرّش والدولة تفرش شروق والنهار طفّاو الضوء فالظلمة كيفاش حبّيت يبان لعدو بريزي سكات بالاك ينوضو باش تعيش أحلامك لازم تقابلها صاحي كلش عندو سومة ما يمشيش القباحي آبارامون خرجت علينا شكوبيستان همالا ندّخلو قاع مزبلة التاريخ كي الشعب كي الحكام كيفاه حبّيت تشعللك ونتا ديما طافي مازال راح تعاني وتقاسي لي يداعى بالمدخول عمرو ما يذوق الصافي من عند القاضي coup de grâce غير تقول الصح تخلاص عليك كيما القذافي هوما عندهم الساقي باقي ، تتعاود ولا راك شافي ماتش مبيوع من بكري دادي [إقتباس للناشط الحقوقي طارق معمري] فساد فوق فساد ، البترول ديتوه الغاز ديتوه ، الذهب ديتوه ، لحديد ديتوه رحمة ربّي الزكاة و كوبيتوها درتولها صندوق استكيتوها ... وين رايحين بيها [اللازمة : سفيان حامة](x3) الجزاير جاية على شط لبحر وتشوف الفيد شعبها صابر كي الضحية دهشان يوم العيد الناس لي فوقها زاهية والغافل يشوف من لبعيد آآآه يا الزوالي ارفد يديك للسماء ربّي لي يفيد آآآه يا الزوالي ارفد يديك للسماء ربّي لي يفيد آآآه يا الزوالي ارفد يديك للسماء ربّي لي يفيد