Was isch?
Was weiss i was isch!
Aber es isch doch irgend öppis!
Nei, 's isch nüt!
Aber wenn i meine, da** öppis isch när muess doch öppis sy. Warum seisch de nüt?
Jä will nüt isch, u wenn nüt isch de chani o nüt säge!
Was isch?
Was sött scho sy, das wo gäng isch!
Was hesch gmeint?
I ha gmeint, was isch?
Nüt isch, 's isch nüt. 's isch gäng wie gäng.
Was isch?
Nüt isch!
Aber i weiss doch, da** öppis isch. We drum öppis isch, redsch nüt. U itz redsch nüt, also isch öppis!
Nei, 's isch nüt, rein gar nüt. I wott itz nüt meh ghöre!
Was isch?
's isch nüt!
Ja, warum seisch de nüt?
Ja, will nüt isch. När chani o nüt säge!
Aber es muess öppis sy. Will we nid öppis wär, när wär o kes nüt. I gspüre doch, da** öppis isch!
Ja, vielech isch öppis bi dir. Bi mir isch ömu nüt!
Was isch?
Nüt isch!
Also isch nüt?
Nei, 's isch nüt!
Aber warum seisch de nüt?
Ja will nüt isch!
Aber we de nüt seisch isch doch öppis!
Nei, 's isch nüt. I wott itz nüt meh ghöre!
Was isch?
Es isch nid scho wieder irgend öppis!
Mou, itz isch äbe grad wieder öppis. Vielech isch vori nüt gsii. Aber itz isch öppis, i gspüres ganz genau!
Was isch?
Es isch nüt! Rein gar nüt!
Mou itz isch äben öppis. Itz hei mer Krach wäge nüt!