Moult sui de bonne heure née,
Quant je sui si bien amée
De mon doulz ami
Qu'il ha toute amour guerpi
Et son cuer à toute vée
Pour l'amour de mi.
Si que bonne Amour graci
Cent mille fois, qui
M'a si tres bien a**enée
Que j'aim la fleur et le tri
De ce monde cy,
Sans part et sans decevrée,
Pour sa bonne renommée,
Qu'est cent fois de tous loée
Plus que je ne di,
Qui mon cuer ha si ravi
Qu'onques mais enamourée
Fame ne fu sy.
Moult sui de bonne heure née,
Quant je sui si bien amée
De mon doulz ami
Qu'il ha toute amour guerpi
Et son cuer à toute vée
Pour l'amour de mi.
Nos cuers en joye norry
Sont, si que soussi
Ne riens qui nous desagrée
N'avons, pour ce qu'a**evi
Sommes de mercy,
Qu'est souffisance appellée;
Un desir, une pensée,
Un cuer, une ame est entée
En nous, et aussi
De voloir sommes uni.
Onques plus douce a**amblée,
Par ma foy, ne vy.
Moult sui de bonne heure née,
Quant je sui si bien amée
De mon doulz ami
Qu'il ha toute amour guerpi
Et son cuer à toute vée
Pour l'amour de mi.
Nompourquant je me defri
Seulette et gemi
Souvent à face esplourée,
Quant lontainne sui de li
Qu'ay tant enchiery
Que sans li riens ne m'agrée.
Mais d'espoir sui confortée
Et tres bien a**eürée
Que mettre en oubly
Ne me porroit par nul sy,
Dont ma joie est si doublée
Que tous maus oubly.
Moult sui de bonne heure née,
Quant je sui si bien amée
De mon doulz ami
Qu'il ha toute amour guerpi
Et son cuer à toute vée
Pour l'amour de mi.