Sag an
herczlieb nu was bedeutet vns so gar schricklicher hal
mit seinem don
aahü aahü wol auf die nacken bloss
Ainiger man
sol uns der gast erstören hye so ach ellend
Wem lastu mich
aahü aahü her gat des tages schein
pald ab dem weg
die geren läg
hör hör hör gesell
stand vpp
risch upp
snell upp
die voglin klingn' jndem hard
amssel droschel
der vinck
undin zyselin das nennet sich guggukh.
Los frow und hör des hornes schal
berg und tal
überl
anqual
ouch hör ich die nachtigal
des liechten morgen rötte sich
vor der pleb her dringt blas schon
wchter ich spür dein zoren michel gross
Mich rürt ain wind von orient
der entrennt
ouch blennt
das firmament
und der uns die freud hye wennt
zart minnikliche dieren
das horen pollret grimmikleich
ich hör dich wol du trübst die frowe mein.