LXXVIII. ad Gallum
Gallus habet fratres, quorum est lepidissima coniunx
alterius, lepidus filius alterius.
Gallus h*mo est bellus: nam dulces iungit amores,
cum puero ut bello bella puella cubet.
Gallus h*mo est stultus, nec se videt esse maritum,
qui patruus patrui monstret adulterium.
LXXVIIIb.
* * * * * * *
sed nunc id doleo, quod purae pura puellae
suavia comminxit spurca saliva tua.
verum id non impune feres: nam te omnia saecla
noscent et, qui sis, fama loquetur an*s.