Alberto D'Amico - Cavarte Dal Fredo lyrics

Cavàrte dal fredo, dall'umidità dai muri bagnài, dal letto geà portarte distante, fora de qua trovarte una casa, la comodità tre stanse col bagno e ‘l termosifòn e tanta acqua calda, che la vien co ti vol scaldarte i pìe, scaldarte le man xe longo l'inverno, non basta el me fià! Se suppia scirocco vien vanti l'istà e fora in laguna se sente cantar turisti va in Pia**a, al Casinò Cipriani fa schei e mi no ghe n'ho. I vien par tre mesi a fotografar colombi che svola, pala**i sul mar comprè cartoline, che schei no ghe n'è turisti da culo, che schifo che fè! Torna novembre, bate le tre in leto strucài bevemo un brulè xe fredo, xe acqua, xe tuto allagà e semo più fondi de un anno fa Sotto la tola un metro de mar te s-ciopa la gola, te vien da sigàr xe morta la stùa, se squagia el cartòn ti piansi e i to oci xe un'altra aluviòn Portarte distante, in serca del sol ma el sangue go fiapo, el peto me dol; novembre de bruto m'ha a**a**inà e gnanca el coragio me ga salvà San Marco e i pala**i i vol salvar però i venesiani pol anca spetàr i salvarà i santi, la xona industrial Valeri Manera col cardinal. Da Ciosa a Fusina tuto va xo portarte distante, dove, no so in fabrica forse i me ciaparà andaremo a Marghera, forse a Milan E i veci no parte, i speta a morir i mor venessiani, i mor col so vin e vece va a messa, col sciàl e ‘l cocòn le mor confesàe, disendo orasiòn.